• Дата публикации: 19/11/2019 - 19:16
    Мазмұны:

       ҚР Еңбек кодексінің 89 бабына сәйкес, ауыр жұмыстарда, еңбек жағдайлары зиянды және (немесе) қауіпті жұмыстарда істейтін жұмыскерлерге Өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды және (немесе) қауіпті жұмыстар тізіміне (ары қарай-Тізім) сәйкес ұзақтығы кемінде күнтізбелік алты күн болатын жыл сайынғы ақы төленетін қосымша еңбек демалыстары беріледі.

       ҚР Денсаулық сақтау және әлеуметтік даму министрінің 2015 жылғы 28 желтоқсандағы №1053 бұйрығының 2-қосымшасына сәйкес, Тiзiмде көзделген еңбек жағдайлары зиянды өндiрiстерде, цехтарда, кәсiптер мен лауазымдарда жұмыс жылы бойы жұмыс істеген жұмыскерге қосымша демалыс іс жүзінде жұмыс істеген күндеріне пропорционалды түрде берiледi.

       Жұмыскерлер жұмыс жылы iшiнде олардағы жұмыс үшiн ұзақтығы әртүрлi қосымша демалыс берiлетiн әртүрлi өндiрiстерде, цехтарда, кәсiптерде және лауазымдарда жұмыс істеген жағдайларда, зиянды еңбек жағдайларында жұмыс iстелген уақыт, Тiзiмде тиiстi өндiрiстердiң, цехтардың, кәсiптердiң және лауазымдардың жұмыскерлерi үшiн белгiленген қосымша демалыстың ұзақтығына қарай, әрбiр жұмыс бойынша жеке есептеледi.

  • Дата публикации: 19/11/2019 - 19:06
    Мазмұны:

       Облыстық еңбек саласындағы бақылау басқармасына жұмыскерлер мен жұмыс берушілерден еңбек демалысының кезеңін айқындау және оларды беру тәртібі туралы сауалдар жиі түседі. Осыған байланысты, аталған сауалдарға түсіндірме беруді дұрыс деп санаймыз.

       Жұмыскерге жұмыс істеген бірінші және келесі жылдары үшін жыл сайынғы ақы төленетін еңбек демалысы тараптардың (жұмыс беруші мен жұмыскердің) келісімі бойынша  жұмыс жылының кез келген уақытында беріледі.

       Жұмыс жылы - бұл жыл сайынғы ақы төленетін еңбек демалысы берілетін кезең болып табылады (күнтізбелік жыл емес), жұмыс жылы жұмыскердің ұйымдағы бірінші күнінен бастап есептеледі және он екі айды құрайды.

       Жыл сайынғы ақы төленетін еңбек демалысы ҚР еңбек заңнамасында көзделген ұзақтықтың шегінде, бір мезгілде толық беріледі. Еңбек шарты тараптарына жыл сайынғы ақы төленетін еңбек демалысын бөліп беру мүмкіндігі көзделген. Жыл сайынғы ақы төленетін еңбек демалысын бөліп беруге бастамашы ретінде жұмыскер де, жұмыс беруші де болуы мүмкін.

       Жыл сайынғы ақы төленетін еңбек демалысын бөліктерге бөлген кезде шектеулер белгіленген: демалыстың бір бөлігі кемінде күнтізбелік екі апта болуға тиіс.

       Күнтізбелік апта дүйсенбіден жексенбіге дейін есептеледі (7 күн). Егер еңбек демалысы күнтізбелік 14 күн деп жоспарланса, онда еңбек демалысы кезеңіне демалыс күндері де кіреді, өйткені күнтізбелік күнге жұмыс күні мен демалыс күні де есептеледі.

       Жыл сайынғы ақы төленетін еңбек демалысына ақы төлеу жұмыс берушінің міндеті болып табылады.

       Жыл сайынғы еңбек демалысына ақы төлеу – ол басталғанға дейінгі үш жұмыс күнінен кешіктірілмей, ал еңбек демалысы демалыстар кестесінен тыс берілген жағдайда, ол берілген күннен бастап үш жұмыс күнінен кешіктірілмей жүргізіледі.

       Жұмыскерлерге жыл сайынғы ақы төленетін еңбек демалысын берудің кезектілігі жыл сайын жұмыс беруші жұмыскерлер пікірін ескере отырып бекітетін демалыстар кестесіне сәйкес айқындалады не тараптардың келісімі бойынша демалыстар кестесінен тыс белгіленеді.

       Демалыс беру, ауыстыру не жыл сайынғы ақы төленетін еңбек демалысынан кері шақыртып алу жұмыс берушінің актісімен ресімделеді.

  • Дата публикации: 15/11/2019 - 18:56
    Мазмұны:

       Жұмыс берушілер тарапынан жұмыскерлерді жұмысқа қабылдау барысында сынақ мерзімі туралы талаптар ескеріле бермейді.

       Әрбір жұмыс беруші жұмыскерді жұмысқа қабылдағанда  ҚР Еңбек кодексінің 36 бабында қаралған, еңбек шартындағы сынақ мерзімі туралы төмендегі талаптарды  сақтауы қажет.

    - еңбек шартын жасасқан кезде еңбек шартында жұмыскердің тапсырылатын жұмысқа біліктілігінің сәйкестігін тексеру мақсатында сынақ мерзімі туралы талап белгіленуі мүмкін. Сынақ мерзімі еңбек шартының қолданылуы басталған кезден басталады.

    - сынақ мерзімі жұмыскердің жұмыс өтіліне қосылады және үш айдан аспауға тиіс. Ұйымдардың басшылары және олардың орынбасарлары, бас бухгалтерлер мен олардың орынбасарлары, филиалдар, ұйымдар өкілдіктерінің басшылары үшін сынақ мерзімі алты айға дейін ұзартылуы мүмкін.

    - жұмыскер жұмыста нақты болмаған кезеңге сынақ мерзімі тоқтатыла тұрады.

       Сонымен қатар, аталған Кодекстің   37-бабына сәйкес,  жұмыскердің сынақ мерзімі кезеңіндегі жұмысы теріс нәтиже берген кезде, жұмыс беруші оны жазбаша нысанда хабардар ете отырып, еңбек шартын бұзу үшін негіз болған себептерді көрсетіп, онымен еңбек шартын бұзуға құқылы, егер сынақ мерзімі аяқталса және тараптардың ешқайсысы еңбек шартының бұзылуы туралы хабардар етпесе, онда жұмыскер сынақ мерзімінен өткен болып есептеледі.

     

  • Дата публикации: 15/11/2019 - 18:41
    Мазмұны:

       Қызылорда облысының еңбек саласындағы бақылау басқармасымен «Аралтұз» АҚ-ның тұз өңдеу цехының конвейер операторы А.Шамаевтың 20.09.2019 ж. кәсіпорынның №4 тұз өңдеу цехындағы конвейер бункерін тазалау кезінде сол аяғынан ауыр дене жарақатын алу фактісі бойынша құрылған арнайы тергеп-тексеру комиссиясымен арнайы тергеп-тексеру жүргізілді.

       Қорытындысымен бұл жазатайым оқиғаның орын алуына №4 тұз өңдеу цехында технологиялық процестің бұзылуы, зардап шегушінің жеке қорғаныш құралдарымен қамтамасыз етілмеуі себеп болғандығы анықталды.

       Арнайы тергеп-тексеру материалдары Сотқа дейінгі тергеп-тексерудің бірыңғай тізіліміне ҚР Қылмыстық кодексінің 156-бабының 2-бөлігінің белгілерімен тіркеп, тергеу әрекеттерін жүргізу үшін 11.11.19 ж. Арал аудандық полиция бөліміне жолданды.

  • Дата публикации: 05/11/2019 - 19:51
    Мазмұны:

       Жұмыс берушілер тарапынан жұмыскерлерді жұмысқа қабылдау барысында сынақ мерзімі туралы талаптар ескеріле бермейді.

       Әрбір жұмыс беруші жұмыскерді жұмысқа қабылдағанда  ҚР Еңбек кодексінің 36 бабында қаралған, еңбек шартындағы сынақ мерзімі туралы төмендегі талаптарды  сақтауы қажет.

    - еңбек шартын жасасқан кезде еңбек шартында жұмыскердің тапсырылатын жұмысқа біліктілігінің сәйкестігін тексеру мақсатында сынақ мерзімі туралы талап белгіленуі мүмкін. Сынақ мерзімі еңбек шартының қолданылуы басталған кезден басталады.

    - сынақ мерзімі жұмыскердің жұмыс өтіліне қосылады және үш айдан аспауға тиіс. Ұйымдардың басшылары және олардың орынбасарлары, бас бухгалтерлер мен олардың орынбасарлары, филиалдар, ұйымдар өкілдіктерінің басшылары үшін сынақ мерзімі алты айға дейін ұзартылуы мүмкін.

    - жұмыскер жұмыста нақты болмаған кезеңге сынақ мерзімі тоқтатыла тұрады.

       Сонымен қатар, аталған Кодекстің   37-бабына сәйкес,  жұмыскердің сынақ мерзімі кезеңіндегі жұмысы теріс нәтиже берген кезде, жұмыс беруші оны жазбаша нысанда хабардар ете отырып, еңбек шартын бұзу үшін негіз болған себептерді көрсетіп, онымен еңбек шартын бұзуға құқылы, егер сынақ мерзімі аяқталса және тараптардың ешқайсысы еңбек шартының бұзылуы туралы хабардар етпесе, онда жұмыскер сынақ мерзімінен өткен болып есептеледі.

  • Дата публикации: 01/11/2019 - 18:47
    Мазмұны:

    Қызылорда облысының еңбек саласындағы бақылау басқармасымен (ары қарай-Басқарма) «Proffi Групп» ЖШС-нің (ары қарай-Серіктестік) бұрғылаушы көмекшісі Д.Дусейновтің Сырдария ауданы, «Ақшабұлақ» мұнай кенішінде жер асты мұнай ұңғымаларын күрделі жөндеу жұмыстары кезінде гидравликалық кілтті бұрау барысында оң қолынан ауыр дене жарақатын алу фактісі бойынша құрылған арнайы тергеп-тексеру комиссиясымен арнайы тергеп-тексеру жүргізілді.

    Қорытындысымен бұл жазатайым оқиғаның орын алуына кәсіпорында еңбек қауіпсіздігі жұмыстарының өз дәрежесінде ұйымдастырылмауы, Серіктестіктің шебері Т.Сагимбаевтың тарапынан жұмыс орнында бұрғылаушының көмекшісімен гидравликалық кілтпен жасалатын жұмыстың қауіпсіз жүргізілуіне және кілттің дұрыс қолданылуына тиісті бақылау жасалмағандығы, зардап шегуші Д.Дусейновтің жұмыс жүргізу кезіндегі өрескел абайсыздығы себеп болғандығы анықталды.

    Осыған байланысты, комиссиямен жұмыс берушінің кінәсі- 70%, жұмыскердің кінәсі- 30 % болып белгіленді.

    Арнайы тергеп-тексеру материалдары Сотқа дейінгі тергеп-тексерудің бірыңғай тізіліміне ҚР Қылмыстық кодексінің 156-бабының 2-бөлігінің белгілерімен тіркеп, тергеу әрекеттерін жүргізу үшін Сырдария аудандық полиция бөліміне жолданды.

  • Дата публикации: 28/10/2019 - 11:05
    Мазмұны:

        ҚР Үкіметінің 2019 жылғы 30 қыркүйектегі №726 Қаулысына сәйкес "Тұрғылықты жерінен мекенжай анықтамаларын беру" мемлекеттік көрсетілетін қызметі 2019 жылғы 1 қарашадан бастап қолданыстан алынады.

       Сәйкесінше, барлық мемлекеттік органдар, балабақшалар, мектептер, ауруханалар, коммуналдық қызмет көрсетушілер, елшіліктер мен консулдықтар, трансұлттық компаниялар, халықаралық ұйымдар, квазимемлекеттік және жеке сектордағы мекемелер, екінші деңгейлі банктер, микрокредиттік ұйымдар және басқа да мекемелер - ешбір жағдайда Қазақстан Республикасы азаматтарынан тұрғылықты жерінен мекенжай анықтамаларын талап етпеуге тиіс.

       Талап етілген жағдайда, ҚР Мемлекеттік қызмет істері агенттігінің Қызылорда облысы бойынша департаментіне 8 (7242) 70-56-36 телефоны бойынша хабарласуға болады.

  • Дата публикации: 25/10/2019 - 18:33
    Мазмұны:

       Мемлекеттік еңбек инспекциясына жұмыскерлерден өздерінің ай сайынғы жалақысы туралы мәліметтерді жұмыс берушімен оларға хабарлау тәртібі туралы түсіндірме беру жөніндегі жиі сауалдар түсуде.

       Сондықтан, еңбек заңнамасының осы мәселеге қатысты бөлігіне түсіндірме жасаған жөн деп санаймыз.

       ҚР Еңбек кодексінің 113-бабының 2 тармағына сәйкес, жалақы төлеу кезінде жұмыс беруші әрбір жұмыскерге тиісті кезең ішінде оған тиесілі жалақының құрамдас бөліктері, жүргізілген ұстап қалулардың мөлшерлері мен негіздері туралы, оның ішінде ұстап қалынған және аударылған міндетті зейнетақы жарналары туралы, сондай-ақ төленуге тиісті жалпы ақша сомасы туралы мәліметтерді жазбаша немесе электрондық нысанда ай сайын хабарлауға міндетті.

       Яғни, жұмыс беруші әрбір жұмыскерге аталған мәліметтерді жазбаша немесе электрондық нысанда ай сайын беруге міндетті.

       Сәйкесінше, жұмыскерлерге өздерінің ай сайынғы жалақысының құрамдас бөлігі туралы, жүргізілген ұстап қалулардың мөлшерлері мен негіздері туралы уақытылы ақпарат алып, ұстап қалынған міндетті зейнетақы жарналары және басқа да төлемдердің аударылғандығын бақылауына мүмкіндік беріледі.

  • Дата публикации: 24/10/2019 - 18:38
    Мазмұны:

       Облыстық еңбек саласындағы бақылау басқармасымен Ж.Ембергеновтың жұмыс беруші тарапынан жалақысы толық көлемде төленбегендігі туралы арызы негізінде Жалағаш ауданындағы «Аққұм Жер» ЖШС-де еңбек заңнамасының сақталуына жоспардан тыс тексеру жүргізілді.               

       ҚР Еңбек кодексінің 23 бабының 2 тармағының 5 тармақшасына сәйкес, жұмыс беруші жұмыскерге Қазақстан Республикасының нормативтік құқықтық актілерінде, еңбек, ұжымдық шарттарда, жұмыс берушінің актілерінде көзделген жалақы мен өзге де төлемдерді уақытылы және толық мөлшерде төлеуге міндетті. «2019 – 2021 жылдарға арналған республикалық бюджет туралы» ҚР Заңының 8 бабы 1 тармағына сәйкес, 2019 жылғы 1 қаңтардан бастап Республикада жалақының ең төменгі мөлшерi 42500 теңге болып белгіленген.                                         

       Алайда, жұмыс беруші тарапынан аталған жұмыскермен жасалған еңбек шартында жалақы мөлшері 30 мың теңге деп көрсетілгендігі, сәйкесінше оған жалақы аталған Заңмен қаралған айлық жалақының ең төменгі мөлшерінен кем белгіленіп, төленгендігі анықталды.                 

       Тексеру қорытындысымен мемлекеттік еңбек инспекторымен Серіктестік жұмыс берушісіне еңбек заңнамасы бұзушылығын  жою туралы Нұсқама беріліп, оған ҚР «Әкімшілік құқық бұзушылықтар туралы» кодексінің 87 бабы 1 тармағы бойынша 75750 теңге көлемінде әкімшілік айыппұл салынып, ол мемлекеттік бюджетке төленді

  • Дата публикации: 21/10/2019 - 18:50
    Мазмұны:

       Мемлекеттік еңбек инспекциясына жұмыс берушілер мен жұмыскерлерден кәсіпорындар мен мекемелерде келісу комиссиясын құру және онда жеке еңбек дауларын қарау тәртібі туралы сауалдар жиі түседі.

       Осыған байланысты, аталған мәселе жөнінде төмендегідей түсініктеме береміз.

    Қазақстан  Республикасының Еңбек  кодексінің (ары қарай-Кодекс) 159-бабының 1 тармағына сәйкес,шағын кәсіпкерлік субьектілерін және заңды тұлғаның атқарушы органның басшыларын  қоспағанда, жеке еңбек дауларын-келісу комиссиялары, ал реттелмеген мәселелер не келісу комиссиясы шешімінің орындалмауы бойынша соттар қарайды.

       Кодекстің 159 бабының 2 тармағына сәйкес, келісу комиссиясы жұмыс беруші мен жұмыскерлер өкілдерінің бірдей санынан тепе-тең негізде ұйымдарда, оның филиалдары мен өкілдіктерінде құрылатын, тұрақты жұмыс істейтін орган болып табылады.

       Кодекстің 1-бабының 1-тармағының 16-тармақшасына сәйкес, еңбек дауы - Қазақстан Республикасының еңбек заңнамасын  қолдану, келісімдердің, еңбек  және  ұжымдық шарттардың, жұмыс беруші актілерінің талаптарын орындау немесе өзгерту мәселелері бойынша  жұмыскер мен  жұмыс берушінің  арасындағы келіспеушіліктер.

      Еңбек  кодексімен  көзделген  еңбек шартынан туындайтын еңбек даулары соттан тыс келісім комиссиясымен,сондай-ақ тікелей сотпен де және тараптардың келісімі бойынша еңбек дауының кез-келген санаты келісім  комиссияларымен  қарастырыла алады.

       Келісім комиссиясының шешімімен келіспеген, сондай-ақ ол орындалмаған жағдайда, еңбек дауының тараптары сотқа арызбен жүгіне алады.

       Келісім  комиссиясына жүгіну, еңбек дауы тараптарының міндеттері емес, ол осы тараптардың  құқығы болып табылады.

       Кодекске сәйкес, жұмыскер өзінің өтінішін қарауға байланысты келісу комиссиясының отырысына қатысу үшін жұмыстан босатылмайды. Сондықтан комиссия отырысы жұмыстан бос уақытта өткізілуге  тиіс.

       Келісу комиссиясы дауды өтініш тіркелген күннен бастап он бес жұмыс күні ішінде қарауға және дау тараптарына шешімнің көшірмесін оны қабылдаған  күннен  бастап  үш  күн  мерзімде  беруге  міндетті.

       Келісу комиссиясының шешімі қолданыстағы Қазақстан Республикасының заңнамасына сәйкес болуға тиісті.

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика